Historikk/føremål

Kulturskulen i Eid er eit frivillig tilbod til barn og unge som ønskjer opplæring i musikk og biletkunst i kommunal regi. Skulen starta opp som musikkskule i 1987, og vart omgjort til Kulturskule 01.01.00 med undervisning i nye disiplinar. Det er i dag ca 230 elevar som nyttar Kulturskulen kvar veke. Kulturskulen har eigne lokale, samlokalisert med Eid ungdomsskule. Her er det undervisning både i skuletida og på ettermiddagen. Vidare har Kulturskulen eit godt samarbeid om desentralisert undervisning i skuletida ved alle barneskulane.

Kulturskulen i Eid tek i samarbeid med heimen, skuleverket og musikk og kulturorganisasjonar i kommunen sikte på:

• Å utvikle elevane sine kunstnarlege evner og anlegg, utløyse og kultivere skapande krefter og gje den einskilde elev betre høve til å oppleve og vurdere musikk og andre kunstuttrykk.
• Å legge grunnlaget for å utvikle eit rikt musikk- og kulturmiljø i lokalsamfunnet.
• Å skape ei kreativ og harmonisk personlegdomsutvikling.
• Å få elevane til å oppleve gleda ved å delta i kor, korps, kammermusikk, framsyningar og utstillingar m.m.